الاوراق المطلوبه التجنيد

الأوراق المطلوبه للتقدم للتجنيد

1- شهادة ميلاد كمبيوتر

2- بطاقه 6 جند إللى سلمتها فى الكليه

3- فيش جنائى و الجهة المتقدم لها التجنيد و يكون للتجنيد فقط 

4- قيد عائلى لو وحيد أو الوالد توفاه الله و أنت العائل الوحيد للأسره حيث أنك كبير الإخوه

5- عدد 5 صور شخصيه على الأقل و يفضل يكون معاك بزياده

6- نموذج 40 اللي بتجيبوه من البوسطه ويا ريت تحاولوا تجيبوه من بدري عشان للاسف النموذج ده بيخلص بسرعه في معظم البوسطه وساعتها حتضطر تلف الدنيا عشان تلاقيه والنموذج ده هو اللي بتملاه عشان تعرف تعمل القيد العائلي 

7- إفاده من الكليه أو شهاده مؤقته علشان تثبت بيها انك مؤهل عالي وتثبتلهم انك اتخرجت من كليه كذا 

8- طبعا البطاقه الشخصيه 

9- لو عندك أخ أصغر أو أخت صغيره ومعندهومش بطاقه شخصيه يبقى لازم تعملهم شهاده ميلاد كمبيوتر علشان هتحتاج الرقم القومي بتاعه عشان القيد العائلي 

10-  صور البطاقات الشخصيه للعائله كلهاااا الاب والام والاخوات والاخوه 

11-  صورة من عقد زواج الوالد والوالده عشان القيد العائلي وغالبا حتحتاج الاصل علشان توريه بس للموظف 

12- تحليل فصيله دم من مستشفى حكومي او خاص او حتى معمل تحاليل بس المهم يكون عليه ختم المكان اللي عملت فيه التحليل

 

13- لو افترضنا لا قدر الله ان الوالد متوفي يبقى في الحاله دي حتحتاج تطلع له شهاده ميلاد كمبيوتر من اي مكتب خدمات جماهيريه وده كلام اكيد

و بالتوفيق إن شاء الله و لازم نحط فى دماغنا إن ده قدر ربنا سبحانه و تعالى و اللى يجيبه ربنا هو ده الخير